logo

Prezident İlham Əliyev Beynəlxalq Valyuta Fondunun direktorunu təbrik edib

19:15 27-09-2019 | icon 2408
Prezident İlham Əliyev Beynəlxalq Valyuta Fondunun direktorunu təbrik edib

Prezident lham Əliyev sentyabrın 27-də Beynəlxalq Valyuta Fondunun sərəncamçı direktoru xanım Kristalina Georgiyevaya təbrik məktubu ünvanlayıb.    

YeniAvropa xəbər verir  ki, bu barədə prezidentin mətbuat xidməti məlumat yayıb.Məktubda deyilir: 

"Hörmətli xanım Georgiyeva,

Beynəlxalq Valyuta Fondunun sərəncamçı direktoru vəzifəsinə seçilməyiniz münasibətilə Sizi səmimi qəlbdən təbrik edirəm.

Biz Azərbaycan ilə Beynəlxalq Valyuta Fondu arasındakı əməkdaşlığa böyük əhəmiyyət veririk. Bu baxımdan ölkəmizdə həyata keçirilən iqtisadi islahatlara Beynəlxalq Valyuta Fondunun dəstəyini məmnunluqla qeyd etmək istərdim.

Ümidvaram ki, Sizin rəhbərliyinizlə Beynəlxalq Valyuta Fondu qlobal maliyyə-iqtisadi və valyuta sisteminin idarə edilməsi ilə bağlı qarşısında duran məsul vəzifələrin öhdəsindən layiqincə gələrək, beynəlxalq maliyyə əməkdaşlığının möhkəmləndirilməsinə töhfələr verəcəkdir.

Bir daha Sizə öz təbriklərimi yetirir, möhkəm cansağlığı, qarşıdakı məsul işinizdə uğurlar arzulayıram".