logo

Dünya kubokunun yarımfinalında Teymur Rəcəbov fransalı şahmatçı ilə qarşılaşacaq

21:50 25-09-2019 | icon 2842
Dünya kubokunun yarımfinalında Teymur Rəcəbov fransalı şahmatçı ilə qarşılaşacaq

Sentyabrın 25-də Xantı-Mansiyskdə şahmat üzrə dünya kuboku turnirinin dörddəbir final mərhələsinin tay-breyk partiyaları oynanılıb.

 YeniAvropa xəbər verir  ki, Azərbaycan şahmatçısı Teymur Rəcəbovun yarımfinalda qarşılaşacağı rəqibi bu mərhələdə müəyyənləşib. Bu, Ermənistan təmsilçisi Levon Aronyanı məğlub edərək yarımfinala yüksələn fransalı Maksim Vaşe-Laqrav olub.

T.Rəcəbov dörddəbir final mərhələsində ABŞ təmsilçisi Cefferi Xionqi məğlub edərək yarımfinala yüksəlib.

Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Ş.Məmmədyarova uduzaraq mübarizəni dayandırıblar. Ş.Məmmədyarov isə səkkizdəbir finalda komanda yoldaşı T.Rəcəbova məğlub olaraq turnirdə iştirakını başa vurub.

Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanacaqlar.

FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.

Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.