Azərbaycanı Qazaxıstanın paytaxtı Nur-Sultandakı dünya çempionatında təmsil edən sərbəst güləşçi Şərif Şərifov final görüşünə çıxıb.
YeniAvropa xəbər verir ki, 97 kq çəki dərəcəsində yarışan ikiqat Avropa çempionunun rəqibi Rusiya təmsilçisi Abdulrəşid Sadullayev olub. İlk yarı Sadullayevin üstünlüyü ilə tamamlanıb - 3:0. İkinci hissədə də rəqibinə xal verən Şərifov 0:4 hesabı ilə uduzaraq, gümüş medalla kifayətlənib.
Qeyd edək ki, bu gün həmçinin, 79 kq çəki dərəcəsində təmsilçimiz Cəbrayıl Həsənov da final görüşünə çıxıb. Pəhləvanımızın rəqibi ABŞ idmançısı Kayl Deyk olub. Gərgin keçən mübarizə amerikalı güləşçinin 4:2 hesablı qələbəsi ilə başa çatıb və idmançımız gümüş medal qazanıb.
Beləliklə, Azərbaycanın sərbəst güləşçiləri dünya çempionatını 1 qızıl, 3 gümüş, 2 bürünc medalla başa vurublar