logo

Soyğunçuluqla məşğul olan keçmiş məhkumlar saxlanıb

18:44 03-09-2019 | icon 420
Soyğunçuluqla məşğul olan keçmiş məhkumlar saxlanıb

Daxili işlər orqanlarının əməkdaşları soyğunçuluq və quldurluqla məşğul olan şəxslərin tutulması istiqamətində uğurlu əməliyyat tədbirini davam etdirirlər.

YeniAvropa xəbər verir  ki, bu haqda Daxili İşlər Nazirliyinin mətbuat xidməti məlumat yayıb. Biildirilib ki, sentyabrın 1-də Bakı şəhər sakini G.Cahangirovanın çantasını soyğunçuluq yolu ilə almaqda şübhəli bilinən paytaxt sakini, əvvəllər məhkum olunmuş R.Əliyev Xətai rayon Polis İdarəsinin 36-cı polis bölməsi və Əlahiddə Çevik Polis Alayı əməkdaşlarının keçirdikləri əməliyyat-axtarış tədbiri nəticəsində saxlanılıb.

Şəmkir rayonunda isə rayon sakini İ.Həmidovu bıçaqla hədələyib quldurluq yolu ilə 100 manatını almaqda şübhəli bilinən həmyerlisi, əvvəllər məhkum olunmuş S.Məmmədov rayon Polis Şöbəsi əməkdaşlarının keçirdikləri əməliyyat tədbiri nəticəsində yaxalanıb.

Faktlarla bağlı araşdırmalar davam etdirilir.