logo

İran istehsalı olan daha bir pilotsuz uçan aparat təqdim edilib

17:47 01-09-2019 | icon 266
İran istehsalı olan daha bir pilotsuz uçan aparat təqdim edilib

Bu gün İran yeni istehsal etdiyi “Kian” adlı daha bir pilotsuz uçan aparatını (PUA) təqdim edib.

YeniAvropa yerli mətbuata istinadla xəbər verir  ki, təqdimat mərasiminə İranın Müdafiə Nazirliyinin yüksək vəzifəli generalları qatılıb. İranın Hava Hücumundan Müdafiə Qüvvələrinin komandanı general Əlirza Sabahfərd bildirib ki, bu aparat uzun müddət ərzində havada qalaraq düşmən təyyarələrini dəqiq izləmək imkanına malikdir.

Onun sözlərinə görə bomba daşımaqla yanaşı yeni aparat, həm də foto və video çəkib qərargaha ötürə bilər. Yeni PUA bir il ərzində yerli mütəxəssislər tərəfindən hazırlanıb və tamamilə İran istehsalıdır. Onun hazırlanması zamanı xaricdən heç bir detal alınmayıb.