logo

Türkiyədə Zəfər bayramı və Silahlı Qüvvələr Günü qeyd olunur

12:59 30-08-2019 | icon 224
Türkiyədə Zəfər bayramı və Silahlı Qüvvələr Günü qeyd olunur

Bu gün Türkiyədə Zəfər bayramı və Silahlı Qüvvələr Günü qeyd olunur.

YeniAvropa xəbər verir ki, Zəfər bayramı Türkiyə tarixinə Birinci Dünya müharibəsindən məğlub çıxan Osmanlı dövlətinin işğalçı ölkələr arasında paylaşdırılması planlarının qarşısının alınması ilə əlamətdardır. O zaman böyük sərkərdə və dövlət xadimi Mustafa Kamal Atatürkün başçılıq etdiyi vətənpərvər qüvvələr siyasi və mənəvi iflasa uğramış xanədanlığın xarabalıqları altından bugünkü Türkiyə Cümhuriyyətini dirçəltmək üçün böyük mübarizə aparıb və qurbanlar veriblər. Möhtəşəm Çanaqqala zəfəri sonradan bütün Türkiyənin, eləcə də türk dünyasının zəfəri kimi qeyd olunmağa başlayıb.

Bayram ilk dəfə 1924-cü ildə Türkiyənin Afyonkarahisar şəhərində Mustafa Kamal Atatürkün iştirakı ilə "Ali Baş Komandan Zəfəri" adı altında təntənəli şəkildə qeyd olunub. 30 avqust tarixi rəsmi bayram kimi 1926-cı ildə elan edilib.