logo

Dünyanın 11-ci ən varlı insanı Devid Koch vəfat etdi

22:18 23-08-2019 | icon 301
Dünyanın 11-ci ən varlı insanı Devid Koch vəfat etdi

Amerikalı sahibkar, milyarder və dünyanın ən varlı insanlarından biri olan Devid Koch 79 yaşında vəfat edib.

YeniAvropa xəbər verir  ki, bu barədə xarici KİV-lərdə məlumat yer  alıb.

Devid Koch 1940-cı il mayın 3-də anadan olub. Texnoloji təhsil alıb və qardaşı ilə birgə atasının “Koch Industries” firmasında karyera qurmağa başlayıb. Atanın ölümündən sonra Koch qardaşları neft emalına, gübrə, polimer istehsalına və digər sahələrə investisiya qoyaraq kompaniyanın fəaliyyət dairəsini xeyli genişləndiriblər.

Devid siyasi həyatda aktiv iştirak edib, müxtəlif aksiyaları maliyyələşdirib. 1980-ci ildə Libertarian partiyasından vitse-prezident postuna namizədliyini irəli sürüb.

“Forbes” nəşrinin 2018-ci ilə olan məlumatına görə, onun varidatı 51 milyard dollar həcmində qiymətləndirilib, sahibkarın özü isə dünyanın ən varlı insanları siyahısında 11-ci yeri tutub. “Bloomberg” agentliyinin məlumatına əsasən, 2019-cu ilin avqustunda Çarlz və Devid Koch qardaşlarının sərvəti 124,5 milyard dollar təşkil edib.