Ermənilər Xocalı və Xankəndidə mina tələləri quraşdırıb?-
“Minalar Əleyhinə Azərbaycan Kampaniyası” İctimai Birliyi “Azərbaycanda minalar və partlamamış hərbi sursatlar probleminin həllinə yönəlmiş tədqiqata əsaslanan hesabatın hazırlanması, minaların və partlamamış hərbi sursatların qurbanlara və icmalara təsirinin öyrənilməsi” adlı layihənin icrasını davam etdirir.
YeniAvropa xəbər verir ki, bunu “Minalar Əleyhinə Azərbaycan Kampaniyası” İctimai Birliyinin sədri Hafiz Səfixanov oktyabrın 24-də keçirilən mətbuat konfransında deyib.
İctimai Birliyin sədri bildirib ki, layihə Kanadanın Azərbaycandakı səfirliyinin “Yerli təşəbbüslər üçün Kanada fondu” proqramı çərçivəsində ayrılan maliyyə yardımı ilə həyata keçirilir. Layihənin məqsədi Azərbaycanda, xüsusilə də işğaldan azad edilmiş ərazilərdə minalar və partlamamış hərbi sursatlar problemi ilə bağlı təhqiqatlar apararaq hesabat hazırlamaq, geniş ictimaiyyət arasında məlumatlılığın artırılması, minalar və partlamamış hərbi sursatların qurbanlara və icmalara, xüsusən də işğaldan azad edilmiş ərazilərə geri qayıdan insanlara təsirinin öyrənilməsindir.
Əsas məqsədlərdən biri Azərbaycanın bütün ərazisində, xüsusilə də işğaldan azad olunmuş ərazilərdə mütəmadi monitorinqlərin keçirilməsi, bu ərazilərdəki mina və partlamamış hərbi sursat probleminin öyrənilməsidir. Mina tələlərə aid məlumatların hazırlanacaq hesabatda xüsusi bölmədə əksini tapması planlaşdırılıb. Burada mina tələlərin aşkarlandığı ərazilər, onların konfiqurasiyası və qurbanları haqqında müfəssəl məlumat veriləcək. Artıq Şuşa rayonunun Daşaltı, Laçın rayonunun Zabux və Sus, Ağdam rayonunun Orta Qərvənd, Füzuli rayonunun Qorqan kəndlərinin, Xocalı rayonunun ərazisində və Xankəndi şəhərində mina tələlərin quraşdırılmasına dair məlumatlar əldə edilib.
“Bundan başqa, Naxçıvan Muxtar Respublikası ərazisində mina və partlamamış hərbi sursat probleminin öyrənilməsi də əsas məqsədlərdəndir. Həmin ərazidə son 20 ildə bu problemin miqyası öyrənilməyib.
Ermənistanın işğalı zamanı İran İslam Respublikası ilə dövlət sərhədinin minalanmasına dair məlumatlar var və bu ərazilərin də monitorinqinin keçirilməsi planlaşdırılır.
Ermənistanla şərti dövlət sərhədindəki rayonlarımızdakı (Qazax, Ağstafa, Tovuz, Daşkəsən, Gədəbəy) mina və partlamamış hərbi sursat probleminin öyrənilməsi də əsas məqsədlərimizdən biridir. Digər təhqiqatı aparılacaq problem keçmiş SSRİ-nin bütün Azərbaycan ərazilərində olmuş hərbi anbarlarının və poliqonlarının olduğu yerlərdəki vəziyyətin öyrənilməsidir. Lənkəran-Astara zonasında zaman-zaman dənizdən minalanın tapılması faktları mövcuddur. Ağstafa rayonunun Suloğlu kəndində və Xızı rayonunun Giləzi qəsəbəsində böyük hərbi anbarlar olub, Ceyrançol ərazisində hərbi poliqonun ətrafında baş vermiş partlayışlar nəticəsində çoxlu sayda insan həlak olub və yaralanıb”, - deyə Hafiz Səfixanov xatırladıb.
Qeyd edib ki, layihənin əsas məqsədlərindən biri də mina və partlamamış hərbi sursatların qurbanlara təsirinin öyrənilməsidir. Bunun üçün mina və partlamamış hərbi sursatların qurbanları ilə görüşlər keçiriləcək. Onların hansı şəraitdə və nə edərkən qurban olması, hadisənin baş verdiyi ərazidə əvvəllər baş vermiş mina partlayışları barədə insanların məlumatlı olub-olmamaları, qurban olduqdan sonra hansı çətinliklər yaşamaları, əvvəllər hansı sahədə çalışması, indi məşğulluq proqramına qoşularsa hansı fəaliyyət sahəsində çalışmaq istəməsi və digər məsələlərin araşdırılması nəzərdə tutulub.
Hədəflərdən biri də mina və partlamamış hərbi sursatların icmalara xüsusilə də işğaldan azad olunmuş ərazilərə geri qayıdan insanlara təsirinin hər tərəfli öyrənilməsidir. Bunun üçün Füzuli və Laçın şəhərlərinə, Ağalı, Talış və Zabux kəndlərinə geri qayıtmış insanlarla görüşlərin keçirilməsi, bu problemin onların gündəlik həyatına təsiri, bu təhlükəyə qarşı maarifləndirmə proqramlarında verilmiş təlimatlara ciddi əməl olunması öyrəniləcək.
Bundan başqa, keçmiş cəbhə xəttində yerləşmiş kəndlərdə yaşayan insanlara mina və partlamamış hərbi sursatların yaratdığı problemlər öyrəniləcək. Bunun üçün həmin ərazilərdə minalar və partlamamış hərbi sursatlarla çirklənmənin səviyyəsi, insanların əkin sahələrindən, su mənbələrindən istifadəsində, heyvandarlıqla məşğul olmalarında minaların və partlamamış hərbi sursatların hansı təsirləri var, minalar və partlamamış hərbi sursatlar insanların hansı işlərlə məşğul olmasına imkan vermir, insanların adət-ənənələri yerinə yetirməsinə, o cümlədən milli bayramların keçirilməsində, dini ayinləri yerinə yetirilməsində, qəbiristanlıqlara gedilməsində minaların və partlamamış hərbi sursatların təsiri varmı, ümumiyyətlə minalar və partlamamış hərbi sursatlar insanların həyatına birbaşa və dolayısı ilə hansı təsiri göstərir.
Layihənin gələn ilin martınadək icra olunması nəzərdə tutulur.
Kazanda İƏT Gənc Sahibkarların X Beynəlxalq Forumu keçirilir
İlham Əliyev və Aleksandr Lukaşenko mətbuata bəyanatlarla çıxış ediblər
Azərbaycan-Belarus sənədləri imzalanıb
Azərbaycanda əhalinin sayı 10 milyon 190 min nəfərə çatır
İlham Əliyevin Aleksandr Lukaşenko ilə geniş tərkibdə görüşü keçirilib
Rusiya-Çin ticarət dövriyyəsi 240 milyard dollara yüksəlib
Sabah Bakıda arabir yağış yağacaq,17° isti olacaq
Fransadan Azərbaycana qarşı qarayaxma kampaniyasını dayandırmağı tələb edirik-XİN
Nobel mükafatı laureatı Əziz Səncər Azərbaycana gələcək
Azərbaycan və Belarus prezidentlərinin təkbətək görüşü olub
Sahibə Qafarova İsveçrəyə işgüzar səfərə gedib
“Kənddən Şəhərə” həftəsonu yarmarkası təşkil ediləcək
Qaradağ rayon İcra Hakimiyyətinin vəzifəli şəxsi rüşvət alarkən yaxalanıb
Ermənistanın qanunsuz dağ-mədən fəaliyyətini ifşa edən xəritə hazırlanıb
Belarus prezidentinin Bakıda rəsmi qarşılanma mərasimi olub
Azərbaycanda apreldə gündəlik neft hasilatı 596 min barel olub
“Rabitəbank”ın Müşahidə Şurasında yeni təyinatlar olub
Bu gün paytaxtın iki rayonunda və Sumqayıtda qaz olmayacaq
Ötən gün cinayət törətməkdə şübhəli bilinən 69 nəfər saxlanılıb
Zığ dairəsi-Hava Limanı yolunda sürət həddi endirilib
Azərbaycan nefti 83,94 dollara satılır
Paytaxt sakinləri Yardımlıda 15 kq narkotika ilə yaxalanıblar
Putin Çinə iki günlük səfərə gedib
Bakıda "Ag çiçəyim" gül mağazasında baş verən yanğın söndürülüb
Ermənistan-Azərbaycan sərhədinin delimitasiyası Komissiyanın 9-cu görüşü keçirilib