logo

İnam Kərimovun media qurumlarından gözləntiləri var

11:33 25-05-2023 | icon 1484
İnam Kərimovun media qurumlarından gözləntiləri var

Qırx dörd günlük Vətən müharibəsində prezident İlham Əliyevin rəhbərliyi, qəhrəman Ordumuzun şücaəti ilə işğal altındakı torpaqlarımız azad edildi və düşmən üzərində tarixi qələbə qazanıldı. Vətən müharibəsi zamanı ölkə mediası da informasiya cəbhəsində mübarizə apardı və həqiqətlərin dünya ictimaiyyətinə çatdırılmasında mühüm rol oynadı.

YeniAvropa xəbər verir ki, bunu Ali Məhkəmənin sədri İnam Kərimov Ali Məhkəmənin təşəbbüsü ilə yaradılan “Femida dialoq platforması” çərçivəsində media qurumlarının rəhbərləri ilə keçirilən görüşdə deyib.

“Vətən müharibədən sonra regionumuzda yeni geosiyasi reallıqlar meydana çıxıb. Ölkəmizin regional və qlobal əhəmiyyəti daha da artıb, yeni çağırışlar meydana gəlib. Bu çağırışlara cavab vermək üçün bütün əlaqədar təşkilatlarla qarşılıqlı dialoq və əməkdaşlıq vacibdir. Yalnız bu yolla biz qarşılaşdığımız problemləri həll edə və qarşımıza qoyduğumuz məqsədləri reallaşdıra bilərik.

Məhkəmə fəaliyyətinin ictimaiyyətə düzgün çatdırılmasında media önəmli funksiyanı yerinə yetirə bilər. Bu baxımdan media qurumlarından gözləntilərimiz böyükdür. Biz də Ali Məhkəmə olaraq jurnalistlərin təlim-tədris proqramlarına cəlb edilməklə məhkəmə sahəsində ixtisaslaşmalarına hər cür kömək etməyə hazırıq. Peşəkar ixtisaslaşmış jurnalistika məhkəmə müstəqilliyinin gücləndirilməsinə, insan hüquq və azadlıqlarının təmin edilməsinə böyük töhfə vermiş olar.

“Femida dialoq platforması”nın məqsədi də məhz qarşılıqlı fikir mübadiləsi aparmaq, mövcud problemlərin birgə həllinə nail olmaqdır. Düşünürəm ki, bu gün burda uğurlu məhkəmə-media əməkdaşlığının əsası qoyulacaq”, - deyə İnam Kərimov vurğulayıb.