logo

Boksçularımız Bolqarıstanda beynəlxalq turnirdə çıxış edirlər

11:55 20-02-2023 | icon 1561
Boksçularımız Bolqarıstanda beynəlxalq turnirdə çıxış edirlər

Bolqarıstanın paytaxtı Sofiyada kişi və qadın boksçular arasında keçiriləcək “Strandja” beynəlxalq turnirinin püşkü atılıb. Bu gün start götürəcək ənənəvi A kateqoriyalı yarışda Azərbaycan idmançılarının da rəqibləri bəlli olub.

YeniAvropa  Azərbaycan Boks Federasiyasına istinadla xəbər verir ki, püşkə əsasən, Günel Rəhimova (48 kq) fransalı Qloria Dameyda, Anaxanım İsmayılova (50 kq) İspaniya idmançısı Laura Fernandes, Zeynəb Rəhimova (54 kq) Yuliya Koroli (Moldova), Məhsəti Həmzəyeva (57 kq) Vinakşi (Hindistan), Şəhla Allahverdiyeva (66 kq) kanadalı Çarli Kavana, Aynur Rzayeva (81 kq-dan yuxarı) Monika (Hindistan), Malik Həsənov (63,5 kq) Şpetim Bayoku (Kosovo) və Məhəmməd Abdullayev (92 kq-dan yuxarı) isə bolqarıstanlı Yordan Morehon ilə qarşılaşacaq.

Turnirin ilk günündə Günel Rəhimova, Anaxanım İsmayılova, Məhsəti Həmzəyeva və Şəhla Allahverdiyeva rinqə çıxacaqlar.

“Strandja” turnirində 40-dək ölkədən 398 boksçu (256 kişi, 142 qadın) mübarizə aparacaq. Yarışın qaliblərinin adına fevralın 26-da aydınlıq gələcək.