Azərbaycan Moldova ilə sosial müdafiə sahəsində əməkdaşlıq sənədi imzalayıb
Əmək və Əhalinin Sosial Müdafiəsi Nazirliyində ölkəmizdə səfərdə olan Moldovanın əmək və sosial müdafiə naziri Marçel Spatarın rəhbərlik etdiyi nümayəndə heyəti ilə görüş olub.
Nazirliyin İctimaiyyətlə əlaqələr şöbəsindən YeniAvropa-ya bildirilib ki, əmək və əhalinin sosial müdafiəsi naziri Sahil Babayev Azərbaycan və Moldova arasında əlaqələrin daim inkişaf etməkdə olduğunu, ötən dövrdə müxtəlif sahələr üzrə imzalanan 63 əməkdaşlıq sənədinin əlaqələrin genişlənməsinə imkan verdiyini bildirib.
İki ölkənin əlaqələrinin sosial sahəni də əhatə etdiyini diqqətə çatdıran S.Babayev Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu ilə Moldova Milli Sosial Sığorta Kassasının fəal əməkdaşlığını qeyd edib.
S.Babayev bu ilin avqust ayında moldovalı həmkarı M.Spatar ilə görüşdə iki ölkə arasında əmək və sosial müdafiə sahəsində əlaqələrin inkişafına dair aparılan müzakirənin önəmini diqqətə çatdırıb.
Prezident İlham Əliyevin sosial-iqtisadi siyasətinin uğurları, ölkəmizdə geniş miqyas alan sosial islahatlar proqramı, xüsusilə əmək, məşğulluq və sosial müdafiə sahələrində son dörd ildə əldə olunmuş mühüm irəliləyişlər, sosial ödənişlərdə edilən ciddi artımlar barədə məlumat verilib.
DOST konsepsiyası, əmək, məşğulluq, sosial müdafiə sahəsində xidmətlərin avtomatlaşdırılması və proaktiv formada əhaliyə təqdim olunması ilə bağlı əldə olunan uğurlar diqqətə çatdırılıb. Nazirliklər arasında əlaqələrin, təcrübə mübadilələrinin genişləndirilməsi üçün böyük potensial olduğu vurğulanıb.
M.Spatar Moldavanın Azərbaycanla əlaqələrini daim genişləndirməkdə maraqlı olduğunu, iki ölkənin sosial sahədə əməkdaşlığının da daim genişlənəcəyinə əminliyini, hazırkı səfərinin də bu məqsədə yönəldiyini bildirib.
O, səfər zamanı DOST mərkəzi ilə də tanış olduğunu, Azərbaycanın DOST təcrübəsini öyrəndiklərini və DOST konsepsiyasını Moldovada tətbiq etmək niyyətində olduqlarını bildirib. M.Spatar, həmçinin Azərbaycanın sosial sahədə elektron texnologiyaların, proaktiv təyinat mexanizmlərinin tətbiqi sahəsində təcrübəsinə maraq göstərdiklərini də diqqətə çatdırıb.
Görüşün yekunu olaraq S.Babayev və M.Spatar “Azərbaycan Respublikasının Əmək və Əhalinin Sosial Müdafiəsi Nazirliyi ilə Moldova Respublikasının Əmək və Sosial Müdafiə Nazirliyi arasında əmək, məşğulluq və sosial müdafiə sahəsində əməkdaşlığa dair Anlaşma Memorandumu”nu imzalayıblar.
Sənəddə əmək, məşğulluq, əhalinin sosial müdafiəsi sahələrində müvafiq qanunvericiliyin və əmək qanunvericiliyinin tələblərinə əməl olunmasına nəzarətin təkmilləşdirilməsi, iş yerlərində təhlükəsiz və sağlam əmək şəraitinin təmin edilməsi üçün preventiv tədbirlərin həyata keçirilməsi, işsiz və işaxtaran şəxslər üçün peşə hazırlığının təşkili, həssas əhali qruplarının məşğulluq imkanlarının genişləndirilməsi, əlilliyi olan şəxslərin tibbi, sosial və məşğulluq problemlərinin həlli, sosial xidmətlər və s. kimi sahələrdə gələcək əməkdaşlıq istiqamətləri əksini tapır.
Sənədin imzalanmasından sonra keçirilən brifinqdə S.Babayev və M.Spatar yeni imzalanan Memorandumun iki ölkə arasında əmək, məşğulluq, sosial müdafiə sahələrində əməkdaşlığın inkişafında önəmli rol oynayacağına əminliklərini ifadə ediblər.
Payızda Azərbaycan ilə Ermənistanın baza prinsipləri üzrə razılığa gəlməsi ehtimalı var
QDİƏT-in turizm üzrə toplantısında “Bakı Bəyannaməsi” qəbul edilib
Astara sakinindən 51 kq narkotika götürülüb
COP29-a görə Vergi Məcəlləsinə dəyişiklik ediləcək
İlham Əliyev Bakıda keçirilən beynəlxalq forumda iştirak edir
"EURO-2024"ü idarə edəcək hakimlər arasında Türkiyə təmsilçisi də var
Sabah Bakıda 29° isti olacaq
Azərbaycanda spirtli içkilərin illik istehsali 20 min dekalitr olacaq
Yevlaxda uşaq bağçasındakı qanunsuzluqlarla bağlı cinayət işi başlanıb
Azərbaycan Albaniya ilə viza rejimini aradan qaldırır
Azərbaycanla Türkiyə gəlirlərə görə ikiqat vergitutma aradan qaldırır
Azərbaycan-Ermənistan dövlət sərhəddinin dəqiqləşdirilməsinə başlanıldı
Milli Məclisdə 18 məsələ müzakirəyə çıxarılıb
3 ayda Azərbaycanda 1,8 ton narkotika dövriyyədən çıxarılıb
Goranboyda zəlzələ olub
Culfada “Chevrolet” “Tofaş”la toqquşub: 2 ölü, 2 yaralı var
Xankəndidə silah-sursat aşkarlanıb
Ötən gün cinayət törətməkdə şübhəli bilinən 32 nəfər saxlanılıb
Azərbaycan nefti 88,30 dollara satılır
Daha 39 ailə Füzuliyə köçürülüb
Faktiki hava:Bölgələırdə şimşək çaxıb,yağış və sulu qar yağıb
İlham Əliyevin Rusiyaya işgüzar səfəri başa çatıb
Ceyhun Bayramov Çexiyaya rəsmi səfərə gedib
Azərbaycan və Rusiya prezidentləri birgə nahar ediblər
Faktiki hava: Oğuz və İsmayıllıya dolu düşüb