logo

Son iki gündə yağıntının miqdarı aylıq normanı keçib

11:33 07-09-2022 | icon 1442
Son iki gündə yağıntının miqdarı aylıq normanı keçib

Əvvəlcədən xəbər verildiyi kimi soyuq atmosfer cəbhələrinin ölkə ərazisindən keçməsi havanın temperaturunun xeyli enməsi ilə yanaşı, intensiv leysan yağışlarına səbəb olub. Hətta bəzi bölgələrdə cəmi iki gündə yağıntının aylıq norması təmin edilib.

YeniAvropa xəbər verir ki,  bunu Milli Hidrometeorologiya Xidmətinin rəisi Umayra Tağıyeva bildirib.

O qeyd edib ki, ən çox düşən yağıntının miqdarı Lənkəranda 80 (aylıq normanın 136 faizi), Astarada 59 (aylıq normanın 117 faizi), Şəkidə 62 (aylıq normanın 74 faizi), Zaqatalada 49 (aylıq normanın 42 faizi), Qaxda 46 (aylıq normanın 55 faizi), Oğuzda 45 (aylıq normanın 33 faizi), Balakəndə 42 (aylıq normanın 36 faizi), Qəbələdə 33 (aylıq normanın 28 faizi), Yardımlıda 29 (aylıq normanın 23 faizi) qeydə alınıb: “Sentyabrın 6-da saat 21:15 radələrində Gədəbəy rayonu ərazisinə diametri 12 millimetr olan dolu düşüb. Havanın temperaturu iqlim normasından 4.6 dərəcə aşağı olub. Ölkə ərazisində müşahidə olunan qeyri-sabit, fasilələrlə yağıntılı hava şəraiti sentyabrın 8-i gündüzədək davam edəcək”.

Xidmət rəisinin sözlərinə görə, oxşar proses son 10 ildə 2016-cı ilin sentyabrın birinci ongünlüyündə qeydə alınıb.

U.Tağıyeva onu da qeyd edib ki, ayrı-ayrı bölgələr üzrə gündəlik, həftəlik hava proqnozları, həmçinin gözlənilən, faktiki hava şəraiti ilə bağlı daha ətraflı məlumatları meteo.az saytından əldə etmək mümkündür.