logo

Qazinin anasını icra başçının qəbulunda həbs etdilər

11:11 29-08-2022 | icon 539
Qazinin anasını icra başçının qəbulunda həbs etdilər

Gədəbəy rayon icra hakimiyyətinin başçısı Orxan Mürsəlovun qəbulu zamanı baş verən insidentdə həbs edilən Tamara Hümbətova Vətən müharibəsində iştirakçısının anası olub.

YeniAvropa xəbər verir ki, hadisə Gədəbəy rayon İcra Hakimiyyətində baş verib.

İcra başçısı Orxan Mürsəlovun qəbulundan əvvəl yaranmış növbə zamanı rayonun Slavyanka kənd sakini, 1980-ci il təvəllüdlü T.Hümbətova ilə digər şikayətçilər arasında dava-dalaş olub.

T.Hümbətovaya qəbul sırasında şəhid ailələri və qazilərin öndə olduğu bildirilib. İttihama görə, o, səs-küy salaraq yarım saat müddətində icra hakimiyyətində normal iş ahəngini pozub. Qurumdakı mühafizə polisi əlavə naryad dəvət etdikdən sonra 42 yaşlı qadın saxlanılaraq Gədəbəy rayon Polis Şöbəsinə aparılıb. Onun barəsində İnzibati Xətalar Məcəlləsinin xuliqanlıq maddəsi ilə protokol tərtib edilib.

Daha sonra saxlanılan qadın protokolla birgə Gədəbəy rayon Məhkəməsinə göndərilib. Məhkəmədə bildirilib ki, T.Hümbətova əvvəllər də həbs həyatı yaşayıb və dəfələrlə İcra Hakimiyyətində qəbullarda iştirak edib. Məhkəmə ona 25 sutka həbs cəzası təyin edib.

Qeyd edək ki, Gədəbəy rayon İcra Hakimiyyətinin başçısı Orxan Mürsəlov avqustun 11-də bu rayona icra başçısı təyin olunub.