Dövlət Yol Polisi(DYP) hüquqi şəxslərə və dövlət qurumlarına müraciət edib.
Bakı şəhər Dövlət Yol Polisinin İdarəsinin baş inspektoru polis mayoru Araz Əsgərli YeniAvropa-ya bildirilib ki, hüquqi şəxslərin, eləcədə dövlət qurumlarının istifadəsində olan avtomobillərin hər hansısa fiziki şəxsin idarəetməsinə verilməsi, yəni həmin sürücü barədə lazımi məlumatlar və ya həmin məlumatlara edilən dəyişikliklər olduğu halda(şəxsin qeydiyyatda olduğu və yaşadığı ünvan, mobil telefonu, olduğu halda elektron ünvanı, sürücülük vəsiqəsinin nömrəsi) üç gün ərzində aidiyyətı üzrə Dövlət Yol Polisinin mərkəzi informasiya bazasına ötürülməsi tələb olunur.
“Belə ki, vaxtında məlumat təqdim etməyən hüquqi şəxsin mülkiyyətində və ya istifadəsində və yaxud da dövlət qurumunun istifadəsində olan nəqliyyat vasitəsinin iştirakı ilə inzibati xətanın törədilməsi zamanı onu idarə etmiş şəxsin barəsində DYP-nin sorğusu daxil olmuşdursa, həmin vaxtdan beş gün müddətində qeyd etdiyimiz kimi hüquqi şəxs və ya dövlət orqanı sürücü barəsində məlumat vermədikdə Azərbaycan Respublikası İnzibati Xətalar Məcəlləsinin 347-ci maddəsinə əsasən vəzifəli şəxslər üçün 150, hüquqi şəxs üçün isə 300 manat məbləğində cərimə halı nəzərdə tutulan məsuliyyətə cəlb ediləcəyini bilməlidir. Bir daha bu kateqoriyaya aid olan şəxslərə qanunvericiliyin tələblərinə ciddi şəkildə əməl etməyi, qanunun aliliyi prinsipini unutmamağı, sadə vətəndaşlar arasında narazılıq yaratmamağı və ən əsası yol hərəkəti qaydalarını pozaraq məsuliyyətdən yayınmağı düşünüb dövlətin qanunla qorunan tələblərinə hörmətsizlik edib, nizam-intizama xələl gətirəcək addımlardan çəkinməyi xahiş edirik!”, - deyə İdarəsinin baş inspektoru qeyd edib.
1512
1512
