logo

İsrail parlamenti buraxıldı

12:02 30-06-2022 | icon 742
İsrail parlamenti buraxıldı

İsrail Knesseti(parlament) buraxılıb.

YeniAvropa xarici KİV-ə istinadla xəbər verir  ki, bu barədə iyunun 30-da qanunverici orqan qanun layihəsi qəbul edib.

Belə ki, parlament ölkədə növbədənkənar parlament seçkilərinin noyabrın 1-də keçirilməsinə səs verib.

Müxalifət isə bu siyasi kampaniyanın oktyabrın 25-də reallaşmasını təklif etmişdi.

Seçkilərədək baş nazir vəzifəsini Yeş Atid Partiyasının başçısı, xarici işlər naziri Yair Lapid icra edəcək.

Qeyd edək ki, İsrailin baş naziri Naftali Bennet qarşıdan gələn parlament seçkilərində iştirak etməyəcəyini və siyasətdən gedəcəyini bildirib.

Ölkə müxalifətinin lideri, keçmiş baş nazir Binyamin Netanyahu bildirib ki, hakimiyyətə qayıtdıqdan sonra 3 əsas məsələni diqqətdə saxlayacaq: qiymətlərin ucuzlaşması, milli ləyaqətin bərpası, İran təhlükəsinə qarşı mübarizə.