COVID-19-a qarşı II mərhələ peyvənd olunanların sayı 4 milyon 853 min nəfəri ötür
İyunun 26-da Azərbaycanda yeni növ koronavirus (COVID-19) infeksiyası əleyhinə 1475 doza vaksin vurulub.
YeniAvropa xəbər verir ki, bu barədə Nazirlər Kabineti yanında Operativ Qərargahdan verilən məlumatda bildirilib. Qeyd edilib ki, gün ərzində birinci doza üzrə vurulan vaksinlərin sayı 171, ikinci doza vaksinlərin sayı 127, üç və daha çox doza vaksinlərin sayı 1050, pozitiv nəticədən sonra “buster” doza vaksinlərin sayı 127-dir.
Azərbaycanda bu günə qədər vurulan vaksin dozalarının ümumi sayı 13 milyon 762 min 91, birinci mərhələ üzrə vurulan peyvənd dozalarının ümumi sayı 5 milyon 353 min 536, ikinci mərhələ üzrə 4 milyon 853 min 215, üç və daha çox doza vaksinlərin sayı 3 milyon 306 min 428, pozitiv nəticədən sonra “buster” doza vaksinlərin sayı 248 min 912-dir.
3423
3423
