logo

Rusiyanın Ukraynada apardığı işğalçılıq müharibəsində 241 uşaq ölüb

09:19 27-05-2022 | icon 3346
Rusiyanın Ukraynada apardığı işğalçılıq müharibəsində 241 uşaq ölüb

Rusiyanın Ukraynaya qarşı hərbi təcavüzü nəticəsində indiyədək 241 uşaq ölüb, 438 uşaq güllə və qəlpə yarası alıb.

YeniAvropa xəbər verir ki, bu barədə məlumatı Ukraynanın Baş Prokurorluğu yayıb.

Uşaqlar daha çox Donetsk, Kiyev, Xarkov, Çerniqov, Nikolayev, Xerson, Luqansk, Zaporojye vilayətlərində, Sumı, Jitomir şəhərlərində xəsarət alıb.

Məlumata görə, Rusiyanın bombardmanları nəticəsində şəhər və kəndlərdə 1 887 təhsil müəssisəsinə ziyan dəyib, 180-ni isə tamamilə dağıdılıb.

Prokurorluqdan qeyd olunub ki, bu rəqəmlər son göstərici deyil, müvəqqəti işğal altında olan və azad edilən Ukrayna ərazilərində uşaqlarla bağlı informasiyaların toplanması davam edir.