Azərbaycanlı məktəblilər Qazaxıstanın mükafatlarını qazanıblar

Bakıda “IT Stars 2022” beynəlxalq festivalının onlayn müsabiqələrdə qalib olan paytaxtdakı №3 nömrəli uşaq-gənclər inkişaf mərkəzinin şagirdlərinin mükafatlandırma mərasimi keçirilib.

YeniAvropa xəbər verir ki, tədbirdə Bakı İnkişaf Mərkəzinin rəhbərliyi, mükafat alanların valideynləri, məktəblilər və Qazaxıstanın Azərbaycandakı səfirliyinin birinci katibi Akbota Musabayeva iştirak ediblər.

Festivalın təşkilatıçısı Almatı şəhərinin Lakeviev məktəbidir. Tədbir gənclərin əqli və yaradıcı potensialının inkişafına yönəlib.

Qeyd edək ki, Mərkəzinin şagirdləri artıq üç ildir ki, müntəzəm şəkildə sözügedən tədbirdə iştirak edirlər.

Müsabiqələrdə MDB-nin müxtəlif şəhərlərdən və kəndlərdən olan I-XI siniflərin şagirdləri iştirak edib. Onlar media jurnalistikası, proqramlaşdırma, sürətlə mətn yığılması, kompüter qrafikası, breyn-rinq, kvestlər, cizgi filmlərin səsləndirilməsi, layihələrin müdafiəsi, robot texnikası müsabiqələri kimi müxtəlif sahələrdə informasiya texnologiyalardan istifadəsini nümayiş etdiriblər.

Azərbaycanlı məktəblilər festivalın nəticələrinə əsasən bir neçə nominasiyalarda qalib olublar və mükafata layiq yerlərə sahib olublar.

Belə ki, Əli Abdullayev “Səsləndirmə” müsabiqəsinin "Qran-pri" mükafatına,  Cəmilə İbrahimli, Yusif Allahverdiyev və Amin Nəzərli “Səsləndirmə” müsabiqəsinin I dərəcəli diplomuna, Darya Kşnyakina və Arda Seyfullayev “Səsləndirmə” müsabiqəsinin II dərəcəli diplomuna layiq görülüblər. Toğrul Novruzov, Məhəmməd Novruzlu və  Tofiq Eyvazov isə “Breyn-rinq” müsabiqəsinin qalibi olublar. 

 Qazaxıstanın Azərbaycandakı səfirliyinin birinci katibi Akbota Musabayeva qalibləri təbrik edib, uşaqlara sertifikatları və diplomları, münsiflər heyətində iştirak edən müəllimlərə isə "Təşəkkürnamə"ləri təqdim edib.

Diplomat çıxışında qeyd edib ki, bu il Azərbaycanla Qazaxıstan arasında diplomatik münasibətlərin qurulmasının 30 illiyi tamam olur. Hər iki ölkə qarşılıqlı əməkdaşlığın müxtəlif istiqamətlərdə davam edəcəyinə və əlaqələrin daha da genişləndirilməsinə əmin olduğunu ifadə edib.

Tədbir uşaq rəsmlərdən ibarət sərgisi ilə tanışlıq və qazax rəqslərini nümayiş etdirən uşaqların konsert proqramı ilə yekunlaşıb.