logo

Nikol Paşinyan Ermənistana qalib gəldi- Avropa Məhkəməsində

15:30 18-01-2022 | icon 1162
Nikol Paşinyan Ermənistana qalib gəldi- Avropa Məhkəməsində

Avropa İnsan Hüquqları Məhkəməsi (ECHR) “Nikol Paşinyan Ermənistana qarşı” işinə dair qərarını açıqlayıb.

YeniAvropa qurumun mətbuat xidmətinə istinadən xəbər verir ki, Avropa İnsan Hüquqları Konvensiyasının 11-ci maddəsi, həmçinin 5-ci maddəsinin 1-ci bəndi pozulub.

Ermənistan baş naziri Nikol Paşinyanın iddiası 2008-ci il 19 fevral tarixli prezident seçkilərilə bağlıdır.

Seçkilər zamanı namizədlərdən biri, sabiq dövlət başçısı Levon Ter-Petrosyanın fəal tərəfdarı və seçki qərargahının üzvü olan N.Paşinyan bildirib ki, martın 1-də İrəvandakı "Azadlıq" meydanında çadırlar quran mitinq iştirakçılarına polis hücum edib və onları qəddarlıqla döyüb. 

2009-cu ilin 3 iyul tarixində N.Paşinyan İrəvan şəhəri Kentron və Nork Maraş Dairə Məhkəməsi tərəfindən 2 ay müddətli həbs cəzasına məhkum edilib.

ECHR-a şikayət ərizəsində N.Paşinyan həmin qərarın qanunsuz olduğunu bildirib.