logo

Xınalıq və Ləzədə 30 santimetr qar yağıb, temperatur - 7°-yə enib

10:20 02-12-2021 | icon 11599
Xınalıq və Ləzədə 30 santimetr qar yağıb, temperatur - 7°-yə enib

Dekabrın 1-i axşam saatlarından başlayaraq Quba, Qusar və Xızı rayonlarının ərazisinə qar yağıb.

 YeniAvropa xəbər verir ki, bu barədə Qubada yerləşən Şimal-Şərq Regional Hidrometeorologiya Mərkəzindən bildirilib.

Qeyd edilib ki, ən çox qar Qubanın Qırız və Qusarın Ləzə kəndlərində qeydə alınıb. Bu kəndlərdə qarın hündürlüyü 30 santimetrə çatır.

Qubanın Xınalıq kəndində 25, Xaltanda 10, Qusarın Həzrə kəndində 4, Xızının Altıağac qəsəbəsində isə 7 santimetr qar var.

Qubanın rayon mərkəzində isə qarın hündürlüyü 1 santimetrdir.

Qar yağması ilə əlaqədar dağlıq ərazilərdə temperatur mənfi 7 dərəcəyədək aşağı düşüb.