logo

Qazinin medalını oğurlayan şəxs tutuldu

13:54 24-09-2021 | icon 1687
Qazinin medalını oğurlayan şəxs tutuldu

Vətən Müharibəsində iştirak edən şəxsin pulunu və medalını oğurlayan şəxs saxlanılıb.

 YeniAvropa xəbər verir ki, bu barədə DİN mətbuat xidmətindən verilən məlumatda bildirilib. 

Qeyd edilib ki, paytaxtın Xəzər rayonu Binə qəsəbəsi sakini olan bir nəfər yaşadığı evdən 3750 manat, nişan üzüyü və 1 ədəd  Vətən Müharibəsində iştirak etdiyi üçün ona dövlət tərəfindən verilən “Xocavəndin azad olunmasına görə” medalının oğurlandığını bildirib.

Cinayəti törətməkdə şübhəli bilinən paytaxt sakini, əvvəllər dəfələrlə məhkum olunmuş Rəşad Əliyev saxlanılıb. Onun Binə qəsəbəsində yaşadığı evə baxış zamanı oğurladığı pul vəsaitləri və digər əşyalar aşkar olunaraq sahibinə qaytarılıb. Rəşad Əliyev ifadəsində etdiyi hadisəni etiraf edib.