logo

Sabah Bakının bəzi küçələri avtomobillərə bağlı olacaq

18:08 14-09-2021 | icon 1771
Sabah Bakının bəzi küçələri avtomobillərə bağlı olacaq

Bakı Şəhər Dövlət Yol Polisi (DYP) İdarəsi Bakının erməni-bolşevik işğalından azad olunmasının 103-cü ildönümü ilə əlaqədar vətəndaşlara müraciət edib.

İdarədən YeniAvropa-ya bildirilib ki, sentyabrın 15-də saat 09:00-da Bakının erməni-bolşevik işğalından azad edilməsinin 103-cü ildönümü münasibətilə hərbi orkestr və şəxsi heyətin şəhərin küçə və meydanlarında yürüşlərinin aşağıda göstərilən marşrutlar üzrə təşkil olunması nəzərdə tutulub:

1-ci marşrut: Şəhidlər xiyabanı – Türk Şəhidliyi abidəsinin önü – “İçərişəhər” metrosu – İqtisadiyyat Universitetinin binası – Qoşa qala qapısı – “AzNeft” dairəsi – Bəhram Gur heykəli

Heydər Əliyev adına Azərbaycan Ali Hərbi Məktəbinin 150 nəfər şəxsi heyətinin iştirakı ilə üç qutu olmaqla hər qoşun növünə aid bir qutu 50 nəfərdən ibarət Hərbi orkestr

2-ci marşrut - Səməd Vurğun bağı - 28 May küçəsi - Bülbül Prospekti -Neftçilər Prospekti - Azadlıq Meydanı;

Heydər Əliyev adına Azərbaycan Ali Hərbi Məktəbinin 150 nəfər şəxsi heyətinin iştirakı ilə üç qutu olmaqla qeyd olunan istiqamətlərdə vətəndaşların yola çıxmaması, nəqliyyat vasitələrinin hərəkətinin məhdudlaşdırılması və tədbir iştirakçılarının maneəsiz hərəkəti üçün zəruri sayda polis əməkdaşları ayrılmaqla müvafiq təhlükəsizlik tədbirlərinin görülməsi təmin ediləcək.