ABŞ prezidenti Cozef Baydenin fəaliyyətinin dəstək reytinqi dövlət başçısı vəzifəsinin icrasına başladığı vaxtdan bəri ilk dəfə 50 faizə enib.
YeniAvropa xarici KİV-ə istinadla xəbər verir ki, bu barədə məlumat “Gallup” sosioloji xidmətinin iyul ayında dərc edilən sorğusunun nəticələrində yer alıb.
Sorğunun yekunlarına əsasən, amerikalıların 45 faizi Cozef Baydenin prezident kimi fəaliyyətini dəstəkləmir. Həmçinin respondentlərin 5 faizi bununla bağlı mövqe bildirməyib. Beləliklə, rəyi soruşulan vətəndaşların yalnız 50 faizi ABŞ Prezidentinin fəaliyyətini dəstəkləyir ki, bu da iyun ayında keçirilən sosioloji rəy sorğusunun nəticəsindən altı faiz bəndi azdır.
İyul reytinqi Cozef Baydenin dövlət başçısı postunda olduğu dövr ərzində ən aşağı göstəricidir.
ABŞ prezidentinin fəaliyyətinə verilən qiymət respondentlərin partiya mənsubiyyətindən asılı olaraq dəyişir. Belə ki, ABŞ-ın Demokratlar partiyası tərəfdarlarının 90 faizi prezidentin fəaliyyətini bəyəndiyi halda, respublikaçılar arasında bu göstərici cəmi 12 faiz təşkil edir. Partiya mənsubiyyəti olmayan amerikalıların isə yalnız 48 faizi Cozef Baydenə etimad göstərdiyini bildirib.
3129
3129
