logo

"YAŞAT” Fonduna 37 milyon manatadək vəsait toplanıb

10:30 11-05-2021 | icon 3913
"YAŞAT” Fonduna 37 milyon manatadək vəsait toplanıb
Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu olan "YAŞAT” Fonduna toplanan vəsaitin həşmi 36 711 311.61 manat təşkil edir.
 
 YeniAvropa xəbər verir ki, bu barədə Fondan bildirilib. 
Qeyd edilib ki, həmin vəsaitdən 16 505 729,93 manatı fiziki şəxslər, 20 205 581,68 manatı isə hüquqi şəxslər tərəfindən ödənilib.
Fonda daxil olan vəsaitin 21 423 360,91 manatı xərclənib.
Vəsaitin qalığı isə 15 287 950,7 manatdır.
 
Qeyd edək ki, prezident İlham Əliyev dekabrın 8-də "Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun ("YAŞAT” Fondu) yaradılması haqqında" fərman imzalayıb. Fondun əsas məqsədi şəhid ailələrinin və hərbi əməliyyatlar nəticəsində əlilliyi müəyyən olunmuş şəxslərin sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi istiqamətində vətəndaş cəmiyyəti təşəbbüslərinin reallaşdırılması üçün müvafiq platformanın yaradılması, bu sahədə şəffaflığın, hesabatlılığın və ictimai nəzarətin təmin edilməsidir.
 
"YAŞAT” Fonduna müraciət etmək və Fondun fəaliyyəti ilə tanış olmaq üçün https://yashat.gov.az/ portalı istifadədir. Həmçinin Fondun 8110 "Çağrı” Mərkəzi fəaliyyət göstərir.