Şəmkirin həbsdə olan sabiq icra başçısı Alimpaşa Məmmədovun çoxşaxəli biznesinə aid müəssələrdən biri rayonun Mehrili kəndində, olduqca gözəl təbiətə malik, qayaların əhatəsində yerləşir.
YeniAvropa xəbər verir ki, söhbət farel balıqlarının istehsal edən “Azfarel” müəssisəsindən gedir. Seyfəli kəndində yerləşən balıq vətəgəsində də vəziyyət maral fermasından fərqlənmir.
Alimpaşa Məmmədovun ailəsinə məxsus balıq təsərrüfatı tikiləndən sonra yaxın kəndləri illərlə iflic vəziyyətinə salıb. Belə ki, müəssisədən axan sular yaxınlıqda olan 10 kəndin istifadə etdiyi içməli suya qarışır. Balıq iyi verən sulardan isə sadə kəndli istifadə edə bilmir.
Qeyd edək ki, Şəmkir rayonunun Dəllər qəsəbəsi və Sarıtəpə kəndinin ərazisində yerləşən Şəmkir Balıq Zavodunun mayın 25-də keçiriləcək hərraca çıxarılacağı bildirilir.
Xatırladaq ki, Şəmkir Balıq Zavodunun Şəmkir rayon İcra Hakimiyyətinin bu günlərdə həbs edilmiş sabiq başçısı Alimpaşa Məmmədovun oğlu Adil Adilzadəyə məxsus olması iddia edilir.