logo

Ukrayna Krımla sərhəddə hərbi təlimlərə başladı

15:45 14-04-2021 | icon 1645
Ukrayna Krımla sərhəddə hərbi təlimlərə başladı

Ukrayna Krım sərhədləri boyunca genişmiqyaslı hərbi təlimlərə başlayıb.

YeniAvropa yerli KİV-ə istinadən bildirir ki, bu barədə Ukrayna ordusunun Birləşmiş Qüvvələri komandanlığının mətbuat xidməti “Facebook” hesabında məlumat yayıb.

Qeyd edilir ki, Krım Muxtar Respublikasının işğal olunmuş ərazisi ilə sərhəd boyunca döyüş tapşırıqlarını yerinə yetirən topçu və tank birləşmələri, siqnalla şərti düşmənin hücumuna qarşı müəyyən ərazilərə doğru irəliləyib.

“Kəşfiyyat zamanı düşmənin əsas atəş qüvvələrinin yeri müəyyən edildi. Daha sonra döyüşə tank ehtiyatı və tank əleyhinə artilleriya gətirildi”, - deyə Ukrayna ordusunun Birləşmiş Qüvvələri komandiri general-leytenant Sergey Nayev bildirib.