Şimal rayonlarında ən çox yağıntı Qubada qeydə alınıb. Rayon mərkəzində qarın hündürlüyü 18 santimetr, temperatur isə mənfi 13 dərəcə olub.
YeniAvropa xəbər verir ki, bu barədə Qubada yerləşən Şimal-Şərq Regional Hidrometeorologiya Mərkəzindən bildirilib.Qeyd edilib ki, Qubanın Qrız kəndinə 14, Xaltana 11, Xınalığa isə 3 santimetr qar yağıb. Bu ərazidə ən aşağı temperatur mənfi 14 dərəcə qeydə alınıb.
Qusar şəhərində isə qarın hündürlüyü 8 santimetrə çatır. Burada temperatur mənfi 14,5 dərəcəyədək enib.
Xızı, Xaçmaz, Siyəzən və Şabran rayonlarında da müşahidə olunan qar hazırda yağmaqda davam edir.