Fevralın 13-14-də Bakıda keçirilməsi nəzərdə tutulan batut gimnastikası və tamblinq üzrə dünya kuboku yarışları ləğv olunub.
YeniAvropa xəbər verir ki, bu barədə Azərbaycan Gimnastika Federasiyasından bildirilib. Qeyd edilib ki, yarışın ləğv olunması dünyanı cənginə alan koronavirus xəstəliyinin ölkəmizdə yayılmasının qarşısının alınması, profilaktik və təxirəsalınmaz tədbirlərin həyata keçirilməsi ilə bağlıdır.
Bakıdakı kubok yarışı ilə yanaşı, Beynəlxalq Gimnastika Federasiyası idman gimnastikası üzrə dünya kuboku yarışlarının (Almaniya, 25-28 fevral) ləğv olunması, o cümlədən akrobatika gimnastikası üzrə dünya kuboku turnirləri (Rusiya, 19-21 fevral; Portuqaliya, 5-7 mart; Belçika 9-11 aprel) və aerobika gimnastikası üzrə dünya kubokunun (Yaponiya 24-25 aprel) da təxirə salındığını açıqlayıb.
Qeyd edək ki, martın 4-7-də Bakıda idman gimnastikası üzrə dünya kuboku, bədii gimnastika üzrə dünya kuboku (7-9 may), aerobika gimnastikası üzrə 9-cu dünya yaş qrupları yarışları (21-23 may), batut gimnastikası və tamblinq üzrə 35-ci dünya çempionatı (11-14 noyabr) və 28-ci dünya yaş qrupları yarışlarının (19-22 noyabr) keçirilməsi nəzərdə tutulur.
2443
2443
