logo

Qarabağ  məsələsi ATƏT-in yeni sədrinin diqqətində olacaq

18:15 01-01-2021 | icon 1680
Qarabağ  məsələsi ATƏT-in yeni sədrinin diqqətində olacaq

2021-ci il yanvarın 1-dən  İsveçin  xarici işlər naziri Ann Linde bir il müddətinə Avropa Təhlükəsizlik və Əməkdaşlıq Təşkilatının (ATƏT) sədri olub.

YeniAvropa xəbər verir ki, bu barədə qurumun mətbuat xidməti məlumat yayıb.

Lindenin sözlərinə görə, İsveç gücünü Avropa təhlükəsizlik nizamının qorunması, uzanan münaqişələrin həlli, demokratiya və gender bərabərliyinin gücləndirilməsi istiqamətinə yönəldəcək: “Sədr kimi prioritetlərimiz ATƏT-in təməl vəzifələrini qeyd etmək, Avropa təhlükəsizlik qaydalarını və ATƏT-in hərtərəfli təhlükəsizlik konsepsiyasını dəstəkləmək, bölgəmizdəki münaqişələrin həllinə töhfə vermək olacaq”.

O, yanvarın 14-də proqramı ATƏT Daimi Şurasına ətraflı təqdim edəcəyini bildirib.

Linde qeyd edib ki, 2021-ci ilin əvvəlindəki gündəliyə Dağlıq Qarabağ ətrafındakı münaqişələrin həlli məsələsi də daxil ediləcək.