İsrailin baş naziri Binyamin Netanyahu Təl-Əviv yaxınlığındakı Ramat-Qan şəhərindəki "Tel xa-Şomer" hospitalının tibbi mərkəzində ABŞ-ın "Pfizer” şirkətinin preparatı ilə peyvənd edilib.
YeniAvropa xəbər verir ki, bu barədə "Kan TV” videosüjet yayımlayıb.
"Bu XXI əsrin ən ağır epidemiyasıdır. Və bizim kiçik ölkəmiz artıq 1 milyon doza vaksin alıb. Hər kəs peyvənd olunmalıdır. Xahiş etdim ki, ilk öncə məni və səhiyyə naziri Yuliy Edelşteyni peyvənd etsinlər. Mən öz hərəkətimlə bütün israillilərə nümunə olmaq istəyirəm", -deyə Binyamin Netanyahu bildirib.
"Kan TV"nin məlumatına görə, bazar günü , dekabrın 20-də ölkə prezidenti Reuven Rivlin Yerusəlim şəhərindəki klinikaların birində peyvənd olunacaq.
Bunun ardından bələdiyyə başçıları və risk qrupuna daxil olan digər şəxslərin peyvəndləməsi həyata keçiriləcək.
1904
1904
