Ötən gün səhər saatlarından başlayaraq yağan qar İsmayıllının şimal dağlıq ərazilərini ağ örpəyə bürüyüb.
YeniAvropa xəbər verir ki, bu barədə İsmayıllı rayon İH-dən bildirilib. Qeyd edilib ki, rayonun Basqal və Lahıc qəsəbələrində, Tağlabiyan, Kəlfərəc, Mücü, Sulut, Xankəndi, Yuxarı Cülyan, Müdrü, Müdrüsə, Mulux, Nanıc, Vaşa, Daxar, Prirəqanım və Əhən kəndlərində qarın hündürlüyü 5-10 santimetrə çatıb.
Bildirilib ki, yağan qar rayonda heç bir fəsad törətməyib.