FIFA ilin ən yaxşı futbolçusuna verilən “The Best” mükafatına namizədlərin siyahısını açıqlayıb.
YeniAvropa qurumun saytına istinadla xəbər verir ki, namizədlər arasında Tiaqo Alkantara (“Bavariya” / “Liverpul”), Kriştiano Ronaldo (“Yuventus”), Kevin De Brüyne (“Mançester Siti”), Robert Levandovski (“Bavariya”), Sadio Mane (“Liverpul”), Kilian Mbappe (Paris Sen-Jermen), Lionel Messi (“Barselona”), Neymar (Paris Sen-Jermen), Serxio Ramos (“Real Madrid”), Məhəmməd Salah, Vircil van Deyk (hər ikisi “Liverpul”) yer alıblar.
FIFA-nın ilin ən yaxşı futbolçularını mükafatlandıracağı mərasim dekabrın 17-də onlayn keçiriləcək. “The Best”lə bağlı səsvermə noyabr 25-dən dekabrın 9-dək keçiriləcək. Səsvermədə yığma komandaların baş məşqçiləri, kapitanları, azarkeşlər və qitə futbol qurumunda qeydiyyatdan keçmiş jurnalistlərin iştirak edəcəklər.
Xatırladaq ki, ötən il bu mükafatı "Barselona"nın hücumçusu Lionel Messi qazanıb.