logo

Daxili İşlər Nazirliyi əhaliyə müraciət etdi

19:30 08-11-2020 | icon 1701
Daxili İşlər Nazirliyi əhaliyə müraciət etdi

Silahlı Qüvvələrimizin Ali Baş Komandanı, prezident İlham Əliyev bu gün Şuşa şəhərinin işğaldan azad olunduğunu elan edib. Prezidentin elan etdiyi qələbə xəbəri vətəndaşlarımızda bayram ovqatı yaradıb və onlar bu əlamətdar hadisəni qeyd etmək üçün küçələrə axışıb. Vətəndaşlarımıza xatırlatmaq istəyirik ki, hazırda respublikanın bütün ərazisində hərbi vəziyyət davam edir və bununla əlaqədar Bakı şəhəri də daxil olmaqla bir sıra şəhər və rayonlarda saat 21:00-dan səhər saat 06:00-dək komendant saatı tətbiq edilir”.

YeniAvropa xəbər verir ki, bu haqda  Daxili İşlər Nazirliyi(DİN) əhaliyə müraciətində qeyd edilib. Nazirliyin mətbuat xidmətinin yaydığı müraciətdə daha sonra xatırladılır ki, ölkədə koronavirusla mübarizə məqsədi ilə karantin rejimi tətbiq olunub. “Vətəndaşlarımızdan bunları nəzərə almalarını, komendant saatının tələblərinə və karantin qaydalarına əməl edərək saat 21:00-dan evlərini tərk etməmələrini xahiş edirik”, - deyə DİN-in müraciətində qeyd edilir.