Azərbaycan Ordusunda heç bir qadağan olunmuş silah yoxdur
Sentyabrın 27-dən etibarən bu günədək Azərbaycan Ordusu tərəfindən başladılan əks-həmlə əməliyyatı dövründə bütün birləşmələrimiz və bölmələrimiz verilən göstərişlərə uyğun olaraq beynəlxalq humanitar hüququn normalarına, o cümlədən Cenevrə Konvensiyası və əlavə edilmiş bütün protokollara, norma və prinsiplərə tam olaraq riayət edir. Bu müddətdə düşmən canlı qüvvə, döyüş texnikası baxımından ağır itkilər verərək hər dəfə geriyə çəkilməyə məcbur edilir. Bir neçə şəhərimiz, kəndimiz və qəsəbəmiz artıq işğaldan azad edilib. Hazıra Ağdərə, Xocavənd və Qubadlı istiqamətlərində döyüşlər davam edir. Düşmənə qarşı ciddi tədbirlər görülür.
YeniAvropa xəbər verir ki, bu barədə Müdafiə Nazirliyinin mətbuat xidmətinin mətbuat katibi polkovnik-leytenant Anar Eyvazov oktyabrın 31-də Hərbi İnformasiya Mərkəzində keçirilən brifinqdə deyib.
Anar Eyvazov bildirib ki, bu müddətdə üç dəfə humanitar atəşkəs rejimi elan edilib. Bölmələrimiz tərəfindən göstərişə uyğun olaraq bu rejimə tam olaraq riayət edilir. Təəssüf ki, düşmən elan olunan humanitar atəşkəslərdən sui-istifadə edərək hər dəfə bölmələrimizə qarşı hücum etməyə cəhd edib və onlar itirdikləri mövqeləri yenidən əldə etmək üçün ordumuza qarşı əks-hücum əməliyyatları icra etməyə çalışıblar. Hər dəfə ağır itki verərək geri bir az daha çəkilməyə məcbur olublar. Döyüş meydanında dəfələrlə uğursuzluqla üzləşən düşmən bölmələri çarəni başqa istiqamətlərdə axtarırlar və vəziyyəti dəyişdirmək üçün başqa çıxış yolları axtarırlar. Bizim döyüş sahəsindən kənarda yerləşən yaşayış məntəqələrimizi raket və artilleriya silahları ilə atəşə tuturlar. Bu da bizim mülki əhalimizə və infrastrukturumuza ziyan vurur.
Biz bunların qarşısını almaq üçün döyüş əməliyyatlarını davam etdiririk. Düşmənin ağır silahları havadan və yerdən aşkar olunaraq məhv edilir. Bu əməliyyatların yekunlaşması üçün işğal altındakı bütün ərazilərimiz azad edilməli və ərazilərimizdə silahlı düşmən qalmamalıdır. Bütün əməliyyatlarımız yalnız əməliyyat sahəsində həyata keçirilir. Bizim Ermənistanda heç bir hədəfimiz yoxdur. Bizim bütün hədəflərimiz yalnız düşmənin silah olan bölmələridir və onun legitim hərbi obyektləridir ki, biz bunlara qarşı havadan və qurudan əməliyyatlarımızı davam etdiririk.
Müdafiə Nazirliyinin mətbuat katibi qeyd edib ki, düşmənin yaşayış məntəqələrimizə mərmilər atmasının səbəblərindən biri bizi təhrik etməkdir. Onlar bizim mövqelərimizi Ermənistandan atəşə tuturlar. Bu mövqelərə cavab atəşləri açmağımızı gözləyirlər, bir az daha cəbhəni genişləndirmək istəyirlər. Lakin Azərbaycan Ordusu tapşırığa uyğun olaraq yalnız işğal altındakı torpaqlarımızda əməliyyatları davam etdirir.
Düşmənin digər məqsədi mülki insanlarımız arasında təşviş yaratmaqdır. Ancaq onlar buna nail ola bilmirlər. Xalqımız Müzəffər Ali Baş Komandanımızın ətrafında möhkəm birləşir. Ordumuzun gücü ilə düşmənə daha da sarsıdıcı zərbələr endirərək itkilərə uğradır. Düşmən bunu görür və bundan sarsılır. Bu xalq-ordu-dövlət birliyini yalnız düşmən deyil, ordumuz da görür. Bizim Azərbaycan əsgəri bundan güc alır, döyüş ruhu daha da artırılır. Hazırda döyüş sahəsində Azərbaycan əsgərinin mənəvi-psixoloji vəziyyəti, ordumuzun maddi-texniki təminatı çox yüksək səviyyədir. Biz bu minvalla əməliyyatlarımızı davam etdirəcəyik.
“Düşmən təxribat törədərək mülki əhalimizə qarşı qeyri-qanuni silah və sursatlardan istifadə edir. Bizi də təhrik edərək dezinformasiya və yalan məlumat yaymağa çalışırlar. Biz bəyanatlarımızda bildirdiyimiz kimi, Azərbaycan Ordusunda heç bir qadağan olunmuş silah yoxdur və istifadə olunmur. Arsenalımızda olan silah-sursatlarla düşmənin istənilən nöqtəsini məhv etməyimizə gücümüz çatır.
Əldə olunan məlumata görə, düşmən Xocavənd istiqamətində fosfor tərkibli maddələr gətirib. Düşmən gizlənmək məqsədilə bu maddələrdən meşələrdə tətbiq etmək istəyir. Meşələrdə yanğınlar törədərək bunu Azərbaycan Ordusunun üzərinə atmaq istəyir. Dezinformasiya yayaraq öz bölmələrinin orada gizlənməsini təmin etmək istəyir. Lakin biz bəyanatlarımızla, apardığımız şəffaf əməliyyatlarla və yaydığımız videogörüntülərlə hər gün öz ictimaiyyətimizi və beynəlxalq ictimaiyyəti bu barədə məlumatlandırırıq”, - deyə Anar Eyvazov vurğulayıb.
Avtobus və taksi fəaliyyətinə dair tələblər təsdiqlənib
Türkiyə Azərbaycanla birgə tarixi film çəkəcək
Xarici işlər naziri istefa verdi...
“Azneft” İstehsalat Birliyinə yeni baş direktor təyin edilib
“Texnika Bank”ın əmlakları təkrar hərraca çıxarılır
Avropa çempionatı: Minifutbol millimizin mümkün rəqibləri bəlli olub
“Lifttəmir”in direktoruna şiddətli töhmət verilib
Sabah Bakıda 17° isti olacaq
Rusiya Ermənistan-ABŞ-Aİ görüşündən narahatdır
Tanışını öldürən şəxsin məhkəməsi başlayır
Paşinyan: Ermənistan mühacir “Dağlıq Qarabağ hökumətini” tanımır
Magistraturaya qəbul imtahanının ikinci cəhdində iştirak etmək üçün qeydiyyat aparılır
Bu gün 4 rayonda qaz olmayacaq
Salyanda nğqsanlar aşkarlanan məktəbin direktoru işdən çıxarılıb
Mərkəzi Bank uçot dərəcəsini endirib
Ötən gün cinayət törətməkdə şübhəli bilinən 55 nəfər saxlanılıb
Bakıda "COP29"a həsr edilən “Dayanıqlı Tikinti Zirvəsi” keçiriləcək
BMT-nin dünya xoşbəxtlik hesabatı: Finlandiya 7-ci dəfə birinci yerdədir
Lənkəranda zəncirvari qəza: Ata və oğul hadisə yerində ölüb
Azərbaycan nefti 87,51 dollara satılır
Azərbaycan təhlükəsizlik orqanlarının yaranmasından 105 il ötür
Sabiq milli təhlükəsizlik naziri Namiq Abbasov vəfat edib
Paytaxtda liftdə baş vermiş bədbəxt hadisə ilə bağlı komissiya yaradılıb
Rəsmi Bakı Rasmussenin hesabatındakı iddiaları qətiyyətlə pisləyib
Aprel ayında Prezidentinin Administrasiyasının vətəndaşların qəbulu CƏDVƏLİ