logo

Düşmən 26 günə 8 uşağı öldürüb, 32-sini yaralayıb

16:30 22-10-2020 | icon 343
Düşmən 26 günə 8 uşağı öldürüb, 32-sini yaralayıb

Sentyabrın 27-dən başlayaraq Ermənistanın silahlı qüvvələri tərəfindən Azərbaycanın yaşayış məntəqələrinin ağır artilleriya və raket qurğularından atəşə tutulması nəticəsində ümumilikdə mülki əhalidən 63 nəfər həlak olub, onlardan 18-i qadın, 8-i uşaq olub, 293 nəfər yaralanıb, onlardan 69-u qadın, 32-si uşaq olub, 2072 yaşayış evinə, 90 çoxmərtəbəli binaya və 388 mülki infrastruktur obyektlərinə külli miqdarda ziyan dəyib.

YeniAvropa xəbər verir ki, rəqəmləri baş prokuror Kamran Əliyev Tacikistanın ölkəmizdəki səfiri Rustam Soli ilə görüşündə səsləndirib. 

Baş Prokurorluğun Mətbuat xidmətindən verilən məlumatda qeyd edilir ki,  görüşdə Kamran Əliyev həmçinin Ermənistanın dinc mülki əhalimizə qarşı sülh və insanlıq əleyhinə cinayətlərin törədilməsini, o cümlədən 4, 11 və 17 oktyabr tarixlərində Azərbaycanın ikinci böyük şəhəri olan Gəncənin raket zərbələrinə məruz qalmasını qeyd etməklə xüsusilə vurğulayıb. 

Rüstəm Soli ölkəsinin rəsmi mövqeyini bildirərək Azərbaycanın ərazi bütövlüyünün Tacikistan dövləti tərəfindən tanındığını və Dağlıq Qarabağ ərazisinin ölkəmizin tərkib hissəsi olmasını təsdiqlədiklərini qeyd edib.