logo

Hikmət Hacıyev nazirlərin Vaşinqton görüşündən "irəliləyiş gözləmirik" dedi

09:11 22-10-2020 | icon 1736
Hikmət Hacıyev nazirlərin Vaşinqton görüşündən "irəliləyiş gözləmirik" dedi

Oktyabrın 23-də Vaşinqtonda keçirilməsi planlaşdırılan görüşlərdə hər hansı bir irəliləyiş gözləmirik.

YeniAvropa “HaberTürk”ə istinadla xəbər verir ki, bunu Azərbaycan prezidentinin köməkçisi, Prezident Administrasiyası Xarici siyasət məsələləri şöbəsinin müdiri Hikmət Hacıyev İngiltərə Əcnəbi Jurnalistlər Dərnəyinin onlayn təbdirində çıxışı zamanı ABŞ Dövlət katibi Mayk Pompeonun Azərbaycan və Ermənistanın XİN rəhbərlərini Vaşinqtona dəvət etməsi barədə danışarkən deyib.

ABŞ-ın Minsk qrupunun həmsədrlərindən biri olduğuna diqqət çəkən H.Hacıyev Vaşinqtonun problemin sülh yolu ilə həll edilməsi üçün səy göstərdiyini, lakin bunun reallaşmadığını qeyd edib.

Azərbaycanın 30 ildir müzakirələr apardığını xatırladan prezident köməkçisi sözlərinə əlavə edib: " Müzakirələrin uğursuz olmasının məsuliyyəti eyni zamanda Minsk qrupu həmsədrlərinin çiyinlərindədir".