logo

Cəbrayılı işğal edən general ölümcül vəziyyətdə Qarabağdan çıxarıldı

15:32 21-10-2020 | icon 343
Cəbrayılı işğal edən general ölümcül vəziyyətdə Qarabağdan çıxarıldı

Erməni general, sabiq deputat Manvel Qriqoryan Dağlıq Qarabağdan ağır vəziyyətdə Ermənistana çatdırılaraq xəstəxanaya yerləşdirilib.

YeniAvropa erməni mətbuatına istinadla xəbər verir  ki,bu barədə onun vəkili Levon Baqdasaryan bildirib.

Vəkilin sözlərinə görə, general Qriqoryan 7 oktyabrdan bəri Dağlıq Qarabağda olub. Lakin oktyabrın 20-də vəziyyəti kəskin pisləşib, həkimlərin tələbi ilə təcili olaraq Ermənistana aparılıb: “O, qayıtmaq istəmirdi, xəstəxanadan imtina etdi, ancaq həkimlər israr etdilər. İndi reanimasiyadadır".

Qeyd edilir ki, Manvel Qriqoryana 2018-ci ilin iyun ayında cinayət işi açılıb. O, qanunsuz silah- sursat saxlamaqda, vergidən yayınmaqda və 1 milyard dramdan çox dövlət əmlakını mənimsəməkdə günahlandırılır. Qrigoryan 2020-ci ilin yanvarında səhhətinə görə həbsdən azad edilib.

Xatırladaq ki, Qriqoryan Xocalı soyqırımının törədilməsi, Azərbaycanın Füzuli və Cəbrayıl rayonlarının işğalı zamanı azərbaycanlı sakinlərin mülkiyyətinin talan edilməsi, hərbi əsirlərə işgəncələrin verilməsi, kütləvi qətlə yetirilməsi, həmçinin, mülki şəxslərin girov götürülməsi, işgəncələrə məruz qoyulması və öldürülməsi kimi çoxsaylı hərbi cinayətlərin törədilməsində iştirak edib.