Belarus prezidenti Aleksandr Lukoşenkonun təyyarəsi Türkiyənin Bodrum şəhərinin Milas hava limanında görümtülənib.
YeniAvropa xəbər verir ki, bu barədə Belarusun ən böyük Teleqram kanalı olan NEXTa məlumat yayıb.
Xəbərdə bildirilib ki, dünən axşam saatlarında Lukaşenkonun EW-301PJ bort nömrəli təyyarəsinin Minski tərk edərək havaya qalxıb. Təyyarənin Ukrayna, Rumıniya və Bolqarıstanın hava məkanından keçməklə Türkiyəyə istiqamət götürdüyü qeyd olunub.
Hələlik Belarus rəsmiləri prezident Aleksandr Lukaşenkonun harada olması barədə hər hansı bir məlumat açıqlamayıb. O, sonuncu dəfə ictimaiyyət qarşısına dünən seçki məntəqəsində səsvermə zamanı çıxıb.
Axşam saatlarında isə paytaxta polis qüvvələri yeridilib, etiraz mitinqləri başlayıb. Ardınca isə Belarus mətbuatı prezidentin Minskdən getdiyinə dair məlumatlar yaymağa başlayıb.
4193
4193
