Prezident İlham Əliyev avqustun 8-də Şahbaz Muradovun təltif edilməsi haqqında sərəncamı imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb.Sərəncamda deyilir: "Azərbaycan Respublikasında elmin inkişafında uzunmüddətli səmərəli fəaliyyətinə görə Şahbaz Musa oğlu Muradov “Azərbaycan Respublikası Prezidentinin fəxri diplomu” ilə təltif edilsin".
Xatırladaq ki, Şahbaz Musa oğlu Muradov 10 avqust 1940-cı ildə Laçın rayonunda anadan olub. İxtisasca iqtisadçıdır. 2001-ci ildə AMEA-nın müxbir üzvü seçilib. 2004-cü ildə Azərbaycan elminin inkişafındakı xidmətlərinə görə “Şöhrət” ordeni ilə təltif edilib, 2015-ci ildə isə “Əməkdar elm xadimi” fəxri adına layiq görülüb.