logo

“Azərbaycan dərhal Qarabağa girməli, öz torpaqlarını geri almalıdır...”

13:33 14-07-2020 | icon 1918
“Azərbaycan dərhal Qarabağa girməli, öz torpaqlarını geri almalıdır...”

Türkiyə parlamentinin hakim AKP-dən olan və Ordu vilayətini təmsil edən millət vəkili Metin Gündoğdu Azərbaycan-Ermənistan sərhədində gedən döyüşlər barədə “Yeni Akit” qəzetinə danışıb.

YeniAvropa xəbər verir ki, türkiyəli millət vəkili Azərbaycanın öz ərazisi olan Dağlıq Qarabağı geri almaq üçün dərhal hücuma başlamalı olduğunu deyib.

“Ermənilər son hücumlarında 3 azərbaycanlı əsgərimizi şəhid etdi. Ermənistan bəzi dövlətlərin əlaltısı kimi çıxış edərək bölgədə qeyri-sabitlik yaratmağa çalışır. Azərbaycanın bir an öncə öz torpaqı olan Dağlıq Qarabağ bölgəsinə girməsi lazımdır. Çünki 3 əsgərimizi şəhid edən Ermənistan bu işin böyüməsini istəyir. İllərdir işğal altında saxladıqları Azərbaycan torpaqlarını artıq onlardan geri almağın zamanı gəlib. Türkiyə hər zaman Azərbaycanın arxasındadır”,- deyə Metin Gündoğdu vurğulayıb.

AKP millət vəkili bildirib ki, ermənilər tarix boyu türk millətinə işgəncə edib. Onun sözlərinə görə, Ermənistan bu bölgədə özünü imperialist xəyallardan heç cür azad edə bilməyən bir ölkədir.

“1915-ci il hadisələrinə görə hər zaman Türkiyəyə hücum etdilər. Öz əməllərinə nəzər salmadan türklərin onlara zülm etdiyini bildirdilər. Dünyanın bütün arxivlərində isə ermənilərin türk millətinə zülm etdiyi ortadadır. Ermənilər o gündən bu günə qədər bölgənin qarışması üçün can atır”,-deyə millət vəkili vurğulayıb.