Azərbaycan ordusunun general-mayoru Polad Həşimov Tovuz istiqamətində gedən döyüşlərdə qəhrəmancasına şəhid olub.
YeniAvropa xəbər verir ki, bu barədə müdafiə nazirinin müavini, general-leytenant Kərim Vəliyev iyulun 14-də jurnalistlərə müsahibəsində deyib.
"İki sutka ərzində düşmənə sarsıdıcı atəş zərbələri endirilib. Düşmənin 100-dək canlı qüvvəsi məhv edilib, çoxlu sayda texnika, döyüş texnikası, nəqliyyatı mühüm obkeytlər darmadağın oilunub və məhv edilib. Bu gün səhər saatlarında döyüş zamanı Azərbaycan ordusunun general-mayoru Polad Həşimov və polkovnik İlqar Mirzəyev qəhrəmancasına şəhid olub", -o bildirib.
Habelə düşmən hücumunun qarşısını alarkən döyüşdə Azərbaycan Ordusunun aşağıda adlarıları çəkilən hərbi qulluqçuları da şəhid olub:
- Mayor Əhmədov Namiq Hajan oğlu
- Mayor Novruzov Anar Gülverdi oğlu
- Gizir Zeynallı ilqar Ayaz oğlu
- Gizin Babayev Yaşar Vasif oğlu
- Müddətdən artıq həqiqi hərbi xidmət hərbi qulluqçusu əsgər Mustafazadə Elçin Arif oğlu
Bildirilir ki, şəhid olan polkovnik İlqar Mirzəyev ordu korpusunun artilleriya rəisi idi.