Nəsimi rayonunun bir hissəsinə içməli suyun verilməsi dayandırılıb.
YeniAvropa xəbər verir ki, bu barədə “Azərsu” ASC-dən bildirilib. Qeyd edilib ki, Bakının Nəsimi rayonunun ərazisində magistral su xəttində baş vermiş qəzanın aradan qaldırılması ilə əlaqədar iyulun 6-da Nəsimi rayonunun bir hissəsinə (əsasən şəhərin mərkəzi küçələrinə) içməli suyun verilməsi müvəqqəti dayandırılıb. Gün ərzində qəzanın aradan qaldırılması və su təchizatının bərpa edilməsi planlaşdırılır.