Dünyada son bir gündə koronavirusa 175 mindən çox yoluxma qeydə alınıb.
YeniAvropa xəbər verir ki, bu barədə Ümumdünya Səhiyyə Təşkilatı məlumat yayıb.
Qeyd edilir ki, bununla da COVID-19-a yoluxma hallarının sayı 10 milyon nəfəri ötüb. Pandemiya ərzində təhlükəli virusdan ölənlərin sayı 515 mindən çoxdur.
Son məlumata əsasən bir gün ərzində infeksiyaya yoluxma ilə bağlı 175 723 hal qeydə alınıb, COVID-19-dan 5 032 pasiyent ölüb. Beləliklə, dünyada COVID-19-a yoluxma hallarının ümumi sayı 10 710 005, ölüm hallarının sayı 517 877 təşkil edir.
Təhlükəli virusa ən çox yoluxma Şimali və Cənubi Amerikada qeydə alınıb. Bu qitədə 5 445 710 nəfər virusa yoluxub. Avropada bu rəqəm 2 737 689 təşkil edir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
2912
2912
