Gürcüstan beynəlxalq aviauçuşların bərpasını təxirə saldı. Ona görə ki, Gürcüstan hələlik eyni vaxtda müxtəlif ölkələrdən gələcək sərnişinləri qəbul etməyə hazır deyil.
YeniAvropa yerli mətbuata istinadla xəbər verir ki, bu sözləri Gürcüstanın iqtisadiyyat naziri Natia Turnava söyləyib. Nazir deyib ki, Gürcüstan iyulun 1-dən beynəlxalq aviauçuşları bərpa etmək niyyətində idi. Lakin koronavirusla bağlı mövcud vəziyyət səbəbindən bu qərarın icrası daha bir ay təxirə salındı.
Onun sözlərinə görə, həm regionda, həm də dünyada epidemioloji vəziyyəti birmənalı qiymətləndirmək olmaz. Bir çox ölkələr beynəlxalq aviareysləri qəbul etməyə hazır deyil.
Nazir onu da bildirib ki, hazırda çarter reyslər həyata keçirilir və artıq üç marşrut müəyyən olunub.
2667
2667
