Azərbaycan-Ukrayna XİN-ləri arasında siyasi məsləhətləşmələr keçirilib
İyunun 17-də Azərbaycan və Ukrayna Xarici İşlər nazirlikləri arasında videokonfrans formatında növbəti siyasi məsləhətləşmələr keçirilib.
YeniAvropa xəbər verir ki, bu barədə Xarici İşlər Nazirliyinin Mətbuat xidməti idarəsindən məlumat verilib.
Siyasi məsləhətləşmələrə Azərbaycan tərəfindən xarici işlər nazirinin müavini Xələf Xələfov, Ukrayna tərəfindən isə xarici işlər nazirinin müavini Vasili Bodnar rəhbərlik edib.
Nazir müavini Xələf Xələfov Ukrayna nümayəndə heyətini salamlayaraq pandemiya şəraitinə baxmayaraq, Xarici İşlər nazirlikləri arasında siyasi dialoqun davam etdiyini diqqətə çatdırıb. Azərbaycan və Ukraynanın strateji tərəfdaş olduğunu bildirən X.Xələfov ölkəmizin Ukrayna ilə bütün sahələrdə, o cümlədən iqtisadi və ticarət, humanitar, regional əməkdaşlıq əlaqələrinin daha da inkişaf etdirilməsində maraqlı olduğunu söyləyib.
Ölkə başçıları arasında yüksək səviyyədə siyasi dialoqun mövcud olduğu məmnunluqla qeyd edilib.
V.Bodnar Azərbaycanın COVID-19-un yayılmasına qarşı mübarizə çərçivəsində Ukraynaya göstərdiyi humanitar yardıma görə ölkəsi adından təşəkkürünü bildirib. Tərəflər Azərbaycan və Ukrayna dövlət başçıları səviyyəsində aparılan siyasi dialoqun əlaqələrin dinamik inkişafına güclü təkan verdiyini vurğulayıblar. Bu xüsusda Ukrayna Prezidenti Vladimir Zelenskinin Azərbaycan Respublikasına həyata keçirdiyi uğurlu rəsmi səfərinə işarə edən V.Bodnar Azərbaycan Respublikasının Prezidenti İlham Əliyevi Ukraynada səbirsizliklə gözlədiklərini vurğulayıb.
Xarici işlər nazirinin müavini Xələf Xələfov Ermənistan-Azərbaycan Dağlıq Qarabağ münaqişəsinin həlli üzrə danışıqlar prosesinin hazırkı durumu barədə Ukrayna tərəfini məlumatlandırıb. O, Azərbaycanın işğal edilmiş ərazilərində keçirilmiş qeyri-qanuni “seçkiləri” qətiyyətlə pislədiyinə görə Ukrayna tərəfinə minnətdarlığını bildirib. Eyni zamanda, Azərbaycanın da daim Ukraynanın ərazi bütövlüyü və suverenliyini dəstəklədiyini vurğulayıb.
Görüş zamanı, həmçinin Ukrayna ərazisində mövcud olan münaqişənin həlli üzrə danışıqlar prosesi haqqında fikir mübadiləsi aparılıb. Tərəflər hər iki ölkənin beynəlxalq səviyyədə tanınmış ərazi bütövlüyü, suverenliyi və dövlət sərhədlərinin toxunulmazlığı ilə bağlı qarşılıqlı dəstəkdən məmnunluq ifadə edərək, qeyd edilən dəstəyin bundan sonra da ikitərəfli, regional və beynəlxalq səviyyədə davam etdiriləcəyini vurğulayıblar. Beynəlxalq təşkilatlar çərçivəsində əməkdaşlığın möhkəmləndirilməsi və qarşılıqlı dəstək məsələləri müzakirə olunub. İqtisadi, enerji, humanitar, hərbi-texniki, nəqliyyat, tranzit daşımaları, kənd təsərrüfatı, səhiyyə, təhsil, mədəniyyət və diaspora sahələrində qarşılıqlı maraq doğuran məsələlər ətrafında müzakirələr aparılıb.
İki ölkə arasında iqtisadi əməkdaşlığın daha da inkişaf etdirilməsi üçün geniş potensialın olduğunu qeyd edən X.Xələfov cari ilin birinci rübünə olan ticarət dövriyyəsinin səviyyəsindən məmnunluğunu bildirib. Azərbaycan-Ukrayna iqtisadi əməkdaşlıq məsələləri üzrə Birgə Hökumətlərarası Komissiyanın cari ilin yanvar ayında Kiyev şəhərində keçirilmiş iclasının ikitərəfli iqtisadi əlaqələrə verdiyi töhfəni qeyd edib. Müvafiq sahələr üzrə əməkdaşlığın gücləndirilməsi məqsədilə Azərbaycan-Ukrayna Birgə Hökumətlərarası Komissiyasının işçi qruplarının iclaslarının videokonfrans formatında keçirilməsi təklif olunub.
Görüş əsnasında X.Xələfov alternativ və çoxşaxəli yükdaşımaların həyata keçirilməsi baxımından Azərbaycanın təşəbbüsü və iştirakı ilə həyata keçirilən Bakı-Tbilisi-Qars dəmir yolu xətti, Şimal-Cənub, Şərq-Qərb və Cənub-Qərb nəqliyyat marşrutları haqqında məlumat verərək Ukraynanın da sözügedən layihələrdən yararlana biləcəyini qeyd edib.
Tərəflər Azərbaycanda və Ukraynada fəaliyyət göstərən ticarət evlərinə toxunaraq, bu platforma vasitəsilə yerli istehsal məhsullarının qarşılıqlı olaraq tanıdılmasının faydalı olduğunu vurğulayıblar.
Videokonfrans formatında keçirilən məsləhətləşmələrdə Azərbaycan Respublikasının Ukraynadakı səfiri Elmira Axundova və Ukraynanın Azərbaycan Respublikasındakı səfiri Vladislav Kanevski iştirak ediblər.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir