Türkiyədə yeni növ koronavirusala (COVID-19) bağlı gündəlik testlərin aparılması davam edir. İyunun 13-də ümumilikdə 45 min 92 nəfər yoxlamadan keçirilib. Onlardan 1459 nəfərdə virus aşkarlanıb.
YeniAvropa xəbər verir ki, bu barədə ölkənin Səhiyyə Nazirliyi məlumat yayıb. Bildirilib ki, gün ərzində 985 nəfər sağalıb, 14 nəfər dünyasını dəyişib. Son günlər gündəlik yoluxma və ölüm halında azalma müşahidə olunur.
Bu vaxtadək 2 milyon 586 min 995 nəfər koronavirus testindən keçirilib. Onlardan 176 min 677 nəfərdə virus aşkar olunub. Hazırda 684 nəfər reanimasiyada, 284 xəstə süni nəfər aparatına qoşulmuş haldadır. İndiyədək bu virusdan 4 min 792 xəstə dünyasını dəyişib, 150 min 87 xəstə sağalıb.
Qeyd edək ki, Türkiyə koronavirus məhdudiyyətlərinin aradan qaldırılması üçün mərhələli və nəzarətli normallaşma prosesinə başlayıb. Artıq ikinci dəfədir ki, həftəsonu sərtləşdirilmiş karantin rejimi tətbiq olunur.
2492
2492
