logo

Maska taxmayanlar 50 manat cərimələnəsək

15:19 31-05-2020 | icon 1694
Maska taxmayanlar 50 manat cərimələnəsək

Xüsusi karantin rejimləri dövründə  maska taxmayan vətəndaşlar 50 manat məbləğində cərimələnəcəklər. 

 YeniAvropa xəbər verir ki,parlamentin bu gün keçirilən iclasında İnzibati Xətalar Məcəlləsinə təklif edilən dəyişiklik müzakirəyə çıxarılıb. Dəyişikliyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək.

Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcək. 

Layihə barədə məlumat verən deputat Fəzail Ağamalı bildirib ki, hazırda ölkədə yoluxma artmaqdadır: “Qoruyucu maskalardan istifadə həyata keçirilmir. Vəziyyət narahatlıq yaradır. İnzibati cəzaların həyata keçirilməsi gündəmə gəlməkdədir. Nazirlər Kabineti vəziyyətin nəzarətdən çıxmaması üçün qərar qəbul etmək məcburiyyətində qaldı. Beləliklə Hüquq siyasəti və dövlət quruculuğu komitəsi tərəfindən layihə hazırlandı”.

 
Dəyişiklik layihəsi səsə qoyularaq qəbul edib.