logo

Bakıda 2 nəfər bankdan saxta sənədlə 10 min manat götürdü

18:49 29-04-2020 | icon 336
Bakıda 2 nəfər bankdan saxta sənədlə 10 min manat götürdü
Azərbaycandakı banklardan biri iki nəfərdən saxta sənəd qəbul edərək, onlara 10 min manat kredit verib. 
YeniAvropa xəbər verir ki, bu barədə hüquq-mühafizə orqanlarından məlumat verilib. 
 
Bankın əməkdaşları fırıldaqçılıq barədə aprelin 28-də polisə xəbər veriblər. Məlum olub ki, 2019-cu ilin iyun ayında 1991-ci il təvəllüdlü Lənkəran rayon sakini E.Mirzəyev və onun zamini, 1988-ci il təvəllüdlü, Şəki rayon sakini T.Məmmədov maliyyə qurumuna müraciət edib.
 
Onlar özlərini hərbi qulluqçu kimi qələmə verərək, banka saxta sənəd təqdim ediblər. Həmin şəxslər 10 min manat kredit götürdükdən sonra yoxa çıxıblar. Şübhəsiz, həmin şəxslər kredit borcunu qaytarmağı ağıllarına belə gətirməyiblər.
 
Nəsimi rayon Polis Şöbəsi hadisə ilə bağlı araşdırma aparır, hələlik faktla bağlı tutulan yoxdur.