MİDA: Hövsanda güzəştli mənzillərin satışına başlanılır

Yaxın vaxtlarda Hövsan Yaşayış Kompleksində mənzillərin satışı ilə bağlı elan veriləcək.

 YeniAvropa xəbər verir ki, bu barədə Mənzil İnşaatı Dövlət Agentliyindən bildirilib. Qeyd edilib ki, "Güzəştli mənzil” sistemində elektron kabinetə sahib olan vətəndaşlar qeydiyyat tarixindən və sıra nömrəsindən asılı olmayaraq mənzilləri sistem vasitəsilə seçə biləcəklər.

 

Mənzillərin satışı ilə bağlı elan verildikdən sonra hovsan.mida.gov.az səhifəsində "Mənzillər” bölməsi aktivləşdiriləcək. 

 

İstifadəçilər bu bölmədə hər bir mənzilin planı, sahəsi, interyer nümunəsi və təmir növü haqqında məlumat əldə edə biləcəklər.