logo

UEFA Azərbaycan klublarına pul ödəyəcək

17:10 23-04-2020 | icon 987
UEFA Azərbaycan klublarına pul ödəyəcək

UEFA Avropa klublarına maliyyə yardımı edəcək. 

 YeniAvropa xəbər verir ki, bu barədə qurumun İcraiyyə Komitəsi qərar qəbul edib. Qərara əsasən, UEFA bayrağı altındakı yarışlara qatılan 55 milli asssosiasiyanın 676 klubuna 70 milyon avro ödəniləcək.

Bildirilib ki, qurum vəsaiti AVRO-2020-nin pley-off oyunlarından sonra federasiyaların hesabına köçürməyi planlaşdırsa da, koronavirus pandemiyası ilə bağlı klubların üzləşdiyi maliyyə çətinliyindən sonra qərarını dəyişib.

Məbləğin 50 milyon avrosu oyunçularını pley-off mərhələsində iştirak etməyən 39 milli komandaya göndərmiş klublara veriləcək.

17,7 milyon avro oyunçuları pley-off iştirakçısı olan 16 yığmaya dəvət alan klubların hesabına köçürüləcək. Buraya pley-off matçlarına görə ödəniləcək məbləğ daxil deyil.

Yerdə qalan 2,7 milyon avro isə payızda pley-off qarşılaşmaları başa çatdıqdan sonra paylanılacaq.

AVRO-2020-nin final mərhələsinə görə klublara ödəniləcək 200 milyon avro isə daha əvvəl Avropa Klublar Assosiasiyası ilə anlaşma memorandumunda (İM) razılaşdırıldığı kimi qalır.